„Við vissum að við værum að mæta gríðarlega öflugu Víkingsliði," sagði Jóhannes Karl Guðjónsson, þjálfari ÍA, eftir 3-0 tap gegn Víkingum í úrslitaleik Mjólkurbikarsins í dag.

Lestu um leikinn: ÍA 0 -  3 Víkingur R.

Hann var sáttur með byrjunina á leiknum. „Mér fannst við byrja leikinn vel. Við ætluðum að keyra á þá snemma leiks og teygja á þeim. Mér fannst það heppnast ágætlega. Við fáum besta færið í fyrri hálfleik þegar Gísli Laxdal fær gott skallafæri. Ef við hefðum náð að setja 1-0, þá hefði leikurinn líklega þróast mjög öðruvísi. Því miður skora þeir fyrsta markið í fyrri hálfleik."

„Við förum vankaðir inn í hálfleikinn með markið sem þeir skora eftir horn. Það er heppni fyrir þá að skora rétt fyrir hálfleik."

Það eru tvær vikur síðan Pepsi Max-deildin kláraðist. Hvernig fannst Jóa Kalla undirbúningurinn ganga?

„Það er erfitt að vera með svona langan tíma svona seint. Við reyndum að halda mönnum á tánum. Við vorum ekkert að keyra of mikið á þá. Við vorum bara að reyna að halda mönnum ferskum. Undirbúningurinn gekk vel. Mér fannst menn tilbúnir að leggja á sig. Við vorum ógnandi á köflum en við vorum að spila á móti mjög góðu Víkingsliði."

Stuðningurinn við liðið var mjög góður og endaði ÍA tímabilið mjög vel. „Við þurfum líka að nýta okkur fyrri hluta tímabilsins sem voru vonbrigði. Það hefði verið auðvelt fyrir okkur að vorkenna sjálfum okkur og gefast upp snemma móts. Það er líka dýrmæt reynsla þegar við horfum til baka. Við gáfumst ekki upp."

Hægt er að horfa á allt viðtalið hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit