Gonzalez og Amrabat ekki til sölu
Nico Gonzalez hefur verið að glíma við leiðinleg meiðslavandræði en hæfileikar hans eru óumtvíræddir.
Mynd: Getty Images
Nico Gonzalez hefur verið að glíma við leiðinleg meiðslavandræði en hæfileikar hans eru óumtvíræddir.
Mynd: Getty Images
Það er mikið uppbyggingarstarf í gangi hjá Fiorentina í Flórens og ætlar félagið ekki að selja lykilleikmenn sína sem hafa vakið athygli frá stórliðum.
Argentínski framherjinn Nicolas Gonzalez, 24 ára, er gríðarlega eftirsóttur og er Leicester að reyna að kaupa hann fyrir um 30 milljónir punda.
Sömu sögu er að segja af marokkóska miðjumanninum Sofyan Amrabat, 26 ára, sem hefur vakið athygli frá félögum á borð við Tottenham og Atletico Madrid. Hann hefur verið afar öflugur hjá Fiorentina en vakti heimsathygli þegar hann fór með Marokkó á HM.
„Ég get staðfest að Sofyan Amrabat og Nico Gonzalez eru ekki til sölu," sagði Joe Barone, framkvæmdastjóri Fiorentin, sem segist vera búinn að tala við Rocco Commisso eiganda félagsins um málið. „Ég er búinn að ræða við Commisso og hann er búinn að staðfesta þetta."
