Ítalía: Mikael Egill spilaði í tapi - Bjarki Steinn ónotaður varamaður

Mikael Egill Ellertsson var í byrjunarliði Venezia þegar liðið heimsótti Genoa í ítölsku deildinni í kvöld.

Það var jafnræði með liðunum í fyrri hálfleik en Genoa var með yfirhöndina í þeim seinni.

Það skilaði sér undir lok leiksins þegarr Andrea Pinamonti skoraði laglegt mark. Hann náði hnitmiðuðu skoti vinstra megin í teignum og skoraði í fjærhornið.

Það var svo Maxwel Cornet sem innsiglaði sigurinn. Hann fór inn á teiginn frá hægri kantinum og skoraði framhjá Ionut Radu í marki Venezia.

Mikael Egill spilaði 83 mínútur en Bjarki Steinn Bjarkason var ónotaður varamaður. Liðið er í harðri fallbaráttu en Venezia er fimm stigum frá öruggu sæti og situr í næst neðsta sæti.