Maria Catharina skoraði sigurmark Linköping
Guðrún Arnardóttir og stöllur hennar í Rosengård eru komnar áfram í undanúrslit sænska bikarsins eftir að það vann 2-1 sigur á Växjö í lokaumferðinni í riðlakeppninni í kvöld.
Miðvörðurinn var að vísu ekki með Rosengård í leiknum en Bryndís Arna Níelsdóttir var á bekknum hjá Växjö.
Bryndís kom inn af bekknum í síðari hálfleik og hafði aðeins verið inn á vellinum í tíu mínútur er hún skoraði mark sem kom gestunum inn í leikinn.
Växjö tókst hins vegar ekki að bæta við fleirum gegn sænsku meisturunum og 2-1 tap niðurstaðan. Rosengård fer áfram í undanúrslit með 7 stig en Växjö hafnaði í neðsta sæti riðilsins með eitt stig.
María Catharina Ólafsdóttir Gros skoraði sigurmark Linköping í 1-0 sigrinum á Malmö. Mark Maríu kom eftir tæpa mínútu og dugði það til sigurs.
Linköping hafnaði með 4 stig í í 3. sæti riðilsins og hefur því lokið keppni í ár.
Athugasemdir
