Manchester City pakkaði Real Madrid saman í undanúrslitum Meistaradeildarinnar í kvöld. Bernardo Silva skoraði tvö mörk, eitt markið var sjálfsmark og varamaðurinn Julian Alvarez skoraði svo fjórða markið í 4-0 sigrinum í uppbótartíma.

City var með algjöra yfirburði í leiknum og litast einkunnagjöf Sky Sports eðlilega af þeim yfirburðum. Bernardo Silva var maður leiksins og fær hann níu í einkunn. Kyle Walker og Jack Grealish fá svo næst hæstu einkunn, eða átta. Sjö var algengasta einkunnin hjá City en átta leikmenn fengu þá einkunn. Thibaut Courtois var besti maður Real í leiknum og fær hann líka sjö.

Sex leikmenn hjá Real fengu fjóra í einkunn sem var það lægsta sem gefið var í kvöld.