Guðni á fréttamannafundi í dag.
„Við erum að taka saman nöfn og velta fyrir okkur framhaldinu. Við erum með erlendan og innlendan lista," sagði Guðni Bergsson formaður KSÍ í dag um ráðningu á nýjum landsliðsþjálfara en Heimir Hallgrímsson hefur tilkynnt að hann sé hættur með liðið.
„Við erum ákveðna hugmyndafræði sem við viljum að sé höfð í heiðri við að finna rétta arftakann og hvað sá þjálfari myndi koma með inn í þennan samheldna hóp. Það er mikilvægt að hann geri sér grein fyrir forsögunni og fyrir hvað það stendur."
Guðni segir að nú sé vinna við ráðningu á eftirmanni Heimis að hefjast innan knattspyrnusambandsins.
„Þetta er gert í samvinnu og samráði við stjórn KSÍ og ég mun leiða þá vinnu sem formaður og með minn bakgrunn sem knattspyrnumaður. Við gerum þetta í sameiningu en vöndum okkur við þetta," sagði Guðni.
„Ef þú ert með einhver nöfn þá máttu senda þau á mig á [email protected]. Ekki málið. Það er fínt að fá hugmyndir allra innan KSÍ. Við munum hlusta á alla en svo munum við þrengja hringinn og einbeita okkur að tilteknum hópi sem við ræðum við um framhaldið."
Guðni útilokaði ekki að ráða íslenskan þjálfara en það skýrist frekar þegar vinnan hefst. Hann sagðist búast við fullt af umsóknum og að rætt verði við erlenda tengiliði sambandsins en nánar er rætt um það í sjónvarpinu að ofan.
Athugasemdir
