Aron Bjarnason kom við sögu er Ujpest gerði 1-1 jafntefli við Paks í ungverska boltanum í dag.
Aron fékk að spila síðasta stundarfjórðunginn en tókst ekki að pota inn sigurmarki.
Ujpest er með fjögur stig eftir þrjár fyrstu umferðir deildartímabilsins.
Ujpest 1 - 1 Paks
0-1 N. Konyves ('58)
1-1 B. Sankovic ('68)
Hólmar Örn Eyjólfsson fékk að spila síðustu tíu mínúturnar í auðveldum sigri Levski Sofia á útivelli gegn Vitosha Bistritsa í búlgöarska boltanum.
Hólmar er nýkominn úr erfiðum meiðslum og voru þetta hans fyrstu mínútur síðan í október í fyrra.
Levski trónir á toppi deildarninar með þrettán stig eftir sex umferðir.
Vitosha Bistritsa 0 - 4 Levski Sofia
0-1 Paulinho ('22)
0-2 Paulinho ('51)
0-3 F. Nascimento ('82)
0-4 N. Robertha ('89)
Böðvar Böðvarsson var þá ónotaður varamaður er Jagiellonia lagði Gornik Zabrze að velli í pólsku deildinni.
Adam Örn Arnarson var ekki í hópi hjá Gornik vegna meiðsla.
Jagiellonia tók yfir Gornik í deildinni og er með átta stig eftir fimm umferðir. Gornik er með sjö stig.
Jagiellonia 3 - 1 Gornik Zabrze
1-0 I. Runje ('5)
2-0 B. Bida ('45)
2-1 L. Wolsztynski ('58)
3-1 J. Imaz ('71)
Athugasemdir
