Castagne frá í 8-9 vikur - Rodgers endurheimtir sjö leikmenn

Á blaðamannafundi sagði Brendan Rodgers, stjóri Leicester, að þeir Dewsbury-Hall, Luke Thomas, Caglar Soyuncu, Patson Daka, Bouba Soumare, Ayoze Perez og James Justin gætu allir verið í hópnum gegn Tottenham á morgun.

Justin hefur verið frá vegna meiðsla frá því í febrúar í fyrra. Hann spilaði hálfleik með varaliði Leicester á dögunum.

„Hann hefur gert eftirtektarverða hluti í sinni endurkomu og er að komast á þann stað sem hann var á fyrir meiðslin, hann lítur vel út á æfingasvæðinu og við munum nýta hans krafta þegar við teljum rétt að gera það," sagði Rodgers um bakvörðin Justin.