AS Roma er í hættu á að missa af Evrópudeildarsæti eftir markalaust jafntefli gegn Sassuolo.

Jafnteflið er afar svekkjandi enda fengu Rómverjar urmul færa í leiknum, skutu tvisvar í tréverkið og klúðruðu minnst tveimur dauðafærum.

Roma fær Parma í heimsókn í lokaumferðinni og þarf sigur þar til að tryggja sæti sitt í Evrópudeildinni.

Genoa gerði þá jafntefli við Cagliari í fallbaráttunni þökk sé jöfnunarmarki úr vítaspyrnu á 89. mínútu.

Stigið tryggir áframhaldandi þátttöku Cagliari í Serie A en Genoa er aðeins tveimur stigum frá fallsæti fyrir lokaumferðina, sem er útileikur gegn Fiorentina.

Empoli er í fallsætinu fyrir neðan Genoa og á leik til góða gegn Evrópubaráttuliði Torino á morgun.

ATH! Það getur tekið tíma fyrir stöðutöfluna að uppfæra sig.

Sassuolo 0 - 0 Roma

Genoa 1 - 1 Cagliari
0-1 Leonardo Pavoletti ('40)
1-1 Domenico Criscito ('89, víti)
Rautt spjald: German Pezzella, Genoa ('93)

Tweet

Senda a Facebook Hafdu samband Senda frétt Prenta frétt Frétta leit