West Ham heimsækir AZ Alkmaar í síðari leik liðanna í undanúrslitum Sambandsdeildarinnar í kvöld. West Ham er með 2-1 forystu eftir fyrri leikinn á London Stadium.
Said Benrahma og Michail Antonio skoruðu mörkin en þeir eru í fremstu víglínu í dag ásamt Jarrod Bowen.
Það var spurning með ástandið á Antonio en hann virðist klár í slaginn. Liðið er óbreytt frá fyrri leiknum en það eru níu breytingar frá því um helgina gegn Brentford. Aðeins Tomas Soucek og Nayef Aguerd halda sæti sínu.
Vladimir Coufal er á bekknum en hann hefur verið fjarverandi í síðustu þremur leikjum vegna meiðsla.
West Ham: Areola, Kehrer, Zouma, Aguerd, Cresswell, Soucek, Rice, Paqueta, Bowen, Antonio, Benrahma.
(Bekkur: Fabianski, Anang, Johnson, Coufal, Fornals, Lanzini, Downes, Cornet, Ings, Ogbonna, Emerson, Mubama.)