Seinni undanúrslitaleikirnir í Evrópudeildinni og Sambandsdeildinni fara fram í kvöld. Roma fer til Leverkusen með eins marks forystu eftir fyrri leikinn. Jose Mourinho og Xabi Alonso stýra liðunum og verður fróðlegt að sjá hvor hefur betur.

Sevilla og Juventus gerðu 1-1 jafntefli í fyrri leik liðanna á Ítalíu og spurning hvort Juventus nái að stoppa Evrópudeildarhraðlestina í Andalúsíu.

West Ham er einu marki yfir eftir fyrri leikinn gegn AZ. Liðin mætast í Hollandi í kvöld og ljóst að David Moyes dreymir um titilinn eftir erfitt tímabil á Englandi.

Loks er Basel 2-1 yfir í einvíginu gegn Fiorentina eftir leik liðanna í Flórens. Fiorentina vann um helgina gegn Udinese og ætlar sér í úrslitaleikinn.