Fabrizio Romano greinir frá því að það er ekki frágengið að japanski sóknarsinnaði miðjumaðurinn Daichi Kamada gangi til liðs við Borussia Dortmund.
Kamada, sem varð Evrópudeildarmeistari í fyrra, rennur út á samningi hjá Eintracht Frankfurt í sumar og ætlar ekki að semja aftur við félagið. Í febrúar greindi Romano frá því að Kamada væri búinn að ná samkomulagi við Dortmund en nú hafa spilin í borði breyst.
Fyrrum Ítalíumeistarar AC Milan hafa ákveðið að blanda sér í baráttuna um þennan japanska landsliðsmann og eru búnir að ræða við umboðsteymi hans.
Kamada er því með tvö samningstilboð á borðinu sem hann er tilbúinn til að líta alvarlegum augum, en það voru þrjú önnur félög áhugasöm um hann í vor.
Athugasemdir
