Þróttur R. 0 - 3 Breiðablik
0-1 Viktor Karl Einarsson ('31 )
0-2 Klæmint Andrasson Olsen ('57 )
0-3 Stefán Ingi Sigurðarson ('95 )
Breiðablik er komið í átta liða úrslit Mjólkurbikarsins eftir sigur á Þrótti.
Blikar leiddu með einu marki gegn engu í hálfleik en það var Viktor Karl Einarsson sem skoraði stórglæsilegt mark eftir rúmlega hálftíma leik.
Síðari hálfleikur byrjaði rólega en eftir tæplega klukkutíma leik tókst Blikum að tvöfalda forystuna. Klæmint Olsen nýtti sér mistök Sveins Óla í marki Þróttar og skoraði úr bakfallsspyrnu.
Stuttu síðar fengu Blikar vítaspyrnu og Gísli Eyjólfsson fékk tækifæri til að gera endanlega út um leikinn en Sveinn Óli varði spyrnuna frá honum.
Stefán Ingi Sigurðarson kom inn á sem varamaður fyrir Klæmint og hann gerði út um leikinn á síðustu sekúndunum með þriðja marki leiksins og Blikar verða í pottinum þegar dregið verður í átta liða úrslitin.
Breiðablik leiðir eftir glæsilegt langskot frá Viktori Karl! pic.twitter.com/X9MpUpYDty
— RÚV Íþróttir (@ruvithrottir) May 18, 2023
Klæmint Olsen bætti við öðru marki Blika af stuttu færi. Staðan er 0-2 í Laugardalnum! pic.twitter.com/rtfFlfsdlJ
— RÚV Íþróttir (@ruvithrottir) May 18, 2023
Blikar fengu vítaspyrnu og Gísli Eyjólfsson steig á punktinn. Sveinn Óli Guðnason gerði sér lítið fyrir og varði spyrnuna. pic.twitter.com/7SBhyhL3zy
— RÚV Íþróttir (@ruvithrottir) May 18, 2023
Stefán Ingi Sigurðarson skoraði þriðja mark Blika undir lok leiks. Frábær afgreiðsla hjá framherjanum knáa. pic.twitter.com/Pv35nuEOds
— RÚV Íþróttir (@ruvithrottir) May 18, 2023
