Rickie Lambert, fyrrum sóknarmaður enska landsliðsins, hefur tekið að sér sitt fyrsta starf í þjálfun.
Lambert, sem er þekktastur fyrir leikmannaferil sinn hjá Liverpool og Southampton, hefur tekið að sér þjálfarastarf í unglingaakademíunni hjá Wigan.
Aðallið Wigan var að enda við það að falla úr Championship-deildinni, næst efstu deild Englands.
„Þetta er nýr kafli fyrir mig og ég stefni á að læra og vaxa sem þjálfari," segir hinn 41 árs gamli Lambert.
Lambert þekkir Gregor Rioch, yfirmann akademíunnar hjá Wigan, en þeir spiluðu saman hjá Macclesfield fyrir meira en 20 árum síðan. Lambert er metnaðarfullur í þjálfuninni og stefnir á að verða aðalþjálfari einhvers staðar á næstu árum.
Athugasemdir