Wilfried Zaha hefur tjáð Crystal Palace það að hann vilji yfirgefa félagið. Þetta herma heimildir Sky Sports.
Hinn 26 ára gamli Zaha er nýbúinn að ljúka þáttöku í Afríkukeppninni með Fílabeinsströndinni, en á meðan mótinu stóð var mikið rætt og skrifað um áhuga Arsenal á kantmanninum.
Zaha hefur sjálfur mikinn áhuga á því að fara til Arsenal og hefur hann greint félagi sínu, Crystal Palace, að hann vilji fara.
Palace hafnaði 40 milljón punda tilboði frá Arsenal fyrr í þessum mánuði, en búist er við öðru tilboði frá Arsenal á næstu dögum.
Unai Emery, stjóri Arsenal, hefur haft mikinn áhuga á því að fá Zaha síðan hann skoraði í 3-2 sigri Crystal Palace gegn Arsenal á Emirates-vellinum í apríl. Hann er efstur á óskalista Arsenal í sumar.
Zaha langar að sanna sig hjá stórliði eftir vonbrigðadvöl hjá Manchester United frá 2013 til 2015.
Sjá einnig:
Hodgson: Arsenal ekki nálægt verðmiðanum hjá Zaha
WIlfried Zaha has told Crystal Palace he wants to leave after returning from the African Cup of Nations. Palace rejected £40m bid. Arsenal expected to push again in the coming days. Zaha is Unai Emery’s No 1 target.
— Kaveh Solhekol (@SkyKaveh) July 18, 2019
Emery has wanted him since Palace beat Arsenal 3-2 in April
Athugasemdir
