Magnús Már Einarsson skrifar frá Zagreb
Ólafur Ingi á spjalli við Fótbolta.net í Zagreb í dag.
Ólafur Ingi Skúlason er mættur með íslenska landsliðinu til Zagreb í Króatíu þrátt fyrir að vera í leikbanni í síðari leik liðanna annað kvöld. Ólafur Ingi vildi alls ekki missa af leiknum á morgun.
,,Ég þurfti að fá leyfi hjá mínu félagi (Zulte Waregem) til að koma með. Þeir skilja aðstæður hérna, þetta er stærsti leikurinn í sögu íslenskrar knattspyrnu og það kom ekkert annað til greina en að fylgja með," sagði Ólafur Ingi við Fótbolta.net í dag en hann verðr í stúkunni annað kvöld.
,,Ég þurfti að fá leyfi hjá mínu félagi (Zulte Waregem) til að koma með. Þeir skilja aðstæður hérna, þetta er stærsti leikurinn í sögu íslenskrar knattspyrnu og það kom ekkert annað til greina en að fylgja með," sagði Ólafur Ingi við Fótbolta.net í dag en hann verðr í stúkunni annað kvöld.
,,Þetta verður taugatrekkjandi leikur eins og síðast en maður reynir að halda sig á mottunni upp í stúku."
Ólafur Ingi fékk rauða spjaldið í upphafi síðari hálfleiks á föstudag fyrir að toga Ivan Perisic niður þegar hann var að sleppa í gegn.
,,Snertingin var ekki mikil en ef hann mat það þannig að ég væri síðasti maður þá er þetta alveg rétt. Þetta gerðist ótrulega hratt."
,,Það myndaðist gat í vörninni hjá okkur og Rakitic lyfti botlanum inn fyrir. Hann (Perisic) er fljótari en ég og ég var vitlausu megin við hann. Það var annað hvort að hleypa honum í gegn eða reyna að gera þetta eins nett og ég gat. Hann lét sig detta auðveldlega og það fór þannig að ég fékk rautt og þeir aukaspyrnu."
Það hefði verið mjög slæmt ef Króatar hefðu náð að skora útivallarmark og því gerði Ólafur Ingi mögulega það rétta í stöðunni.
,,Við vitum ekki hvort hann hefði klárað færið en ég hugsa að þetta hafi verið ágætt í þessari stöðu. Strákarnir kláruðu þetta og þökk sé þeim þá héldum við núllinu," sagði Ólafur Ingi.
Hér að ofan má sjá viðtalið í heild sinni.
