Landslið Curaçao þreytir frumraun sína á stærsta sviðinu eftir viku. Liðið hefur svo sannarlega boðað komu sína og gerir það með öðrum hætti en önnur lið.
Curacao tryggði sig inn á HM með því að vinna riðil sinn í undankeppninni.
Stærstu þjóðirnar eru með þægindin í forgangi og eru með rándýrar liðsrútur sem svala helstu þörfum hjá rándýrum leikmannahópum en Curacao er ekki alveg í sama flokki.
Það er ákveðin nostalgía í gangi hjá Curacao sem mætir á heimsmeistaramótið í gamalli skólarútu.
Búið er að mála hana í túrkísbláum lit. Það sem fangar síðan stemninguna er að það eru engar rúður á hliðum bílsins, leikmenn með hendur hangandi úti og seyðandi tónlist spiluð.
Áttunda og níunda áratugar stemning í þessu hjá Curacao sem mun koma á óvart á heimsmeistaramótinu. Dick Advocaat er þjálfari liðsins og eru margir Hollendingar í hópnum, enda var Curacao hollensk nýlenda en er í dag sjálfsætt land innan Konungsríkisins Hollands.
Myndband af þessari skemmtilegu liðsrútu Curacao má sjá hér fyrir neðan.
Old-school bus. No windows. Music playing. Curaçao‘s team bus arrival is unmatched. pic.twitter.com/mj1OuLKD0m
— Sports Illustrated FC (@SI_FootballClub) June 7, 2026
Allir 104 leikirnir á HM verða í beinni á RÚV.
Samfelldar útsendingar frá því síðdegis og fram á nótt.
Kvöldin verða geggjuð í sumar!
