Kjartan var frábær í dag.
Kjartan Henry var mjög sáttur í leikslok þegar lið hans, KR unnu frábæran 1-4 útisigur á Val núna í dag. Kjartan átti frábæran leik og skoraði stórglæsilegt mark. Með þessum sigri komst KR nær toppnum. Vikan hefur verið erfið fyrir KR, tapa illa gegn Þór fyrir norðan og svekkjandi tap gegn Celtic fylgdi svo í kjölfarið. En hvað var það sem breyttist hjá KR liðinu?
Lestu um leikinn: Valur 1 - 4 KR
,,Það er kannski bara hugarfarsbreyting, vorum ekki nógu góðir á móti Þór, og þetta var ekki alveg að detta fyrir okkur, en ég er ekki að pæla í þeim leik núna, ég er að pæla í leiknum sem var núna," sagði Kjartan Henry eftir leik í samtali við Fótbolta.net.
Aðspurður hvort það hafi ekki verið sætt að sjá boltann í netinu eftir ansi mikla gagnrýni á hans frammistöðu hafði Kjartan þetta að segja:
,,Já, það var mjög gaman, ég er ekki búinn að vera standa mig alveg nógu vel, er að koma úr meiðslum. Ég er náttúrulega að koma úr erfiðum meiðslum og í upphafi tímabilsins voru þetta erfiðir leikir, fengum ekki að spila á heimavelli og ég var í gervigrasskóm í einhverjum leikjum, en þetta er allt að koma til og vellirnir líka," sagði Kjartan Henry sem oft í vikunni hefur verið kallaður Kristján Henry eftir að Geir Ólafs kom með það skemmtilega nafn á hann í Álitinu á Fótbolta.net.
,,Já, ég meina Geir Ólafs er náttúrulega toppmaður og ég hef bara gaman af þessu."
Viðtalið í heild sinni má sjá hér að ofan.
