„Já hann fór mjög vel," sagði Sveinn Elías fyrirliði Þórs eftir að hafa spilað leik númer 200 fyrir Þór sem endaði með 4-1 sigri á Haukum á Akureyri.
Lestu um leikinn: Þór 4 - 1 Haukar
Þór lenti undir í leiknum en var búið að vera hættulegri aðilinn fram að því.
„Mér fannst við spila hann vel frá fyrstu mínútu. Ég fékk færi strax á annarri mínútu og pínu pirrandi að setja hann ekki þar. Svo fær Manni færi og víti. Við vorum alltaf með þetta og ég held að við höfum fundið það allan tímann. Um leið og við skoruðum vissu bæði liðin á vellinum hvernig leikurinn væri að fara að enda."
Eftir leikinn er Þór komið í 26 stig og á toppnum en HK á leik til góða.
„Það er bara að setja sér ný markmið. Við eigum bara aðeins eftir að fara yfir hver þau eru en það er bara að halda áfram að saman stigum. Ef við gerum það þá gæti þetta orðið skemmtilegt sumar."
Þór á ÍA í næsta leik upp á Skaga.
„Ég sé bara þrjú stig koma hingað norður fyrir mér þar. Það er mikið sjálfstraust í liðinu. Útivellir hafa reynst okkur gríðalega vel í sumar og ég held við séum taplausir á útivelli. Ég hugsa að það verði líka þannig eftir viku."
Viðtalið má sjá heild sinni í sjónvarpinu hér að ofan.
Athugasemdir
