Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mið 19. september 2018 09:30
Magnús Már Einarsson
Klopp: Sturridge í besta formi sem ég hef séð
Sturridge fagnar marki sínu í gær.
Sturridge fagnar marki sínu í gær.
Mynd: Getty Images
„Þetta var frábær frammistaða hjá Daniel," sagði Jurgen Klopp, stjóri Liverpool, eftir 3-2 sigurinn á PSG í Meistaradeildinni í gærkvöldi.

Klopp hrósaði þar Daniel Sturridge í hástert. Sturridge fékk tækifæri í byrjunarliðinu þar sem Roberto Firmino byrjaði á bekknum eftir að hafa meiðst á auga um helgina.

Sturridge þakkaði traustið með því að skora og eiga góðan leik.

„Miðjumennirnir stóðu sig framúrskarandi vel en þeir geta bara gert það þegar kantmennirnir og nían hjálpa til að halda liðinu þétt. Þetta var stórkostlegt."

„Ég sagði við Daniel fyrir leikinn að hann er í sínu besta formi síðan ég kynntist honum og núna þyrfti hann að nýta það. Hann gerði það. Ofurleikur og ofurmark."

Athugasemdir
banner
banner
banner
banner
banner