„Frammistaðan í dag var ekki góð," segir Ragnar Sigurðsson. Hann tekur undir það að annað mark Króata hafi verið blaut tuska sem hafi farið langt með að gera út um vonir Íslands.
„Ég veit ekki hvort þetta var skot eða fyrirgjöf en þetta fór inn á mjög skrítinn hátt. Þá misstum við hausinn og urðum stressaðir. Það gekk bara ekki upp," segir Ragnar sem reyndi að öskra menn í gang.
„Ég var að reyna að halda mönnum vakandi og láta sóknarmennina okkar trúa á þetta."
Varðandi fjarveru Kolbeins Sigþórssonar:
„Kolla var auðvitað sárt saknað en við fórum inn í leikinn með ellefu frábæra leikmenn."
Viðtalið má sjá í heild í sjónvarpinu hér að ofan.
