Liðsfélagar Bukayo Saka hjá Arsenal eru ósáttir við það hversu litla vernd liðsfélagi þeirra fær hjá dómurum deildarinnar. Það eru stuðningsmenn liðsins einnig.
Sam Dean, fréttamaður hjá Telegraph, bendir á þá staðreynd að andstæðingar séu að fá eitt spjald fyrir hver tíu brot á Saka.
Á meðan hefur Saka fengið eitt spjald fyrir hver 4,8 brot sem hann sjálfur hefur framið.
„Það virðist vera eitthvað sérstakt skotleyfi á þennan unga mann," sagði Jón Kaldal, stuðningsmaður Arsenal, í hlaðvarpinu Enski boltinn á dögunum.
„Þetta er ótrúleg tölfræði. Það er búið að brjóta á honum miklu oftar en hann hefur brotið af sér."
Það var frekar rætt um dómgæsluna í ensku úrvalsdeildinni í hlaðvarpinu sem má hlusta á í heild sinni hér fyrir neðan.
Athugasemdir