Afturelding og ÍA áttust við í seinni leik kvöldsins í Lengjudeild kvenna og uppskáru heimakonur sigur í Mosfellsbæ.

Hildur Karítas Gunnarsdóttir, Katrín S. Vilhjálmsdóttir og Ariela Lewis skoruðu mörk Aftureldingar til að tryggja sigur í þessum áhugaverða slag.

Þetta eru afar dýrmæt stig fyrir Aftureldingu sem stekkur upp í 2. sæti með sigrinum. Þar er liðið með 13 stig eftir 7 umferðir.

ÍA situr eftir í sjötta sæti, með 9 stig, og þurfa Skagakonur að bretta upp ermar ætli þær sér að berjast um sæti í Bestu deildinni.