„Það er mjög svekkjandi að fá svona mörg mörk á sig, sérstaklega þar sem við stóðum í þeim á köflum," sagði Hildur Antonsdóttir, leikmaður HK/Víkings, eftir tap gegn Íslandsmeisturum Þórs/KA í eina leik dagsins í Pepsi-deild kvenna.
Lestu um leikinn: HK/Víkingur 2 - 5 Þór/KA
„Þær eru með gott sóknarlið sem klárar færin sín vel og þær kláruðu leikinn þannig, með því að klára færin sín."
Hildur er búin að skora í þremur leikjum í röð og er komin með fimm mörk í Pepsi-deildinni í sumar.
„Ég er búin að vera að taka aukæfingar í að klára færi, það er að skila sér," sagði Hildur og brosti.
Hildur hefur spilað með HK/Víkingi í sumar á lánssamningi frá Breiðabliki. Hún snýr núna aftur í Kópavoginn. „Ég er mjög spennt fyrir því. Þetta hefur verið mjög skemmtilegur tími hjá HK/Víkingi og hjálpaði mér mikið. Núna er næsta verkefni að fara aftur til Breiðabliks og berjast um titilinn þar."
Viðtalið er í heild sinni hér að ofan.
Athugasemdir