Gareth Bale kom Real Madrid yfir snemma og var staðan 0-1 þegar flautað var til hálfleiks.

Levante mætti af krafti inn í seinni hálfleiki, jafnaði og tók forystuna fljótlega. Vinicius Junior jafnaði fyrir Real Madrid en aftur tók Levante svo forystuna.

Þegar fimm mínútur voru eftir af venjulegum leiktíma jafnaði Vinicius aftur og stuttu síðar var markvörður Levante rekinn af velli fyrir að handleika boltann langt fyrir utan teig. Miðvörðurinn Ruben Vezo steig inn í markið hjá Levante síðustu mínúturnar en Madrídingum tókst ekki að reyna á hann.

Því fór sem fór, lokatölur 3-3 í þessum leik. Real Madrid er með fjögur stig eftir tvo leiki og er Levante með tvö stig.

Atletico Madrid er eina liðið sem er með fullt hús stiga eins og er, eftir tvo leiki. Atletico lagði Elche að velli, 1-0, þar sem Angel Correa skoraði sigurmarkið. Þá vann Real Sociedad 1-0 sigur gegn Rayo Vallecano.

Atletico Madrid 1 - 0 Elche
1-0 Angel Correa ('39 )

Levante 3 - 3 Real Madrid
0-1 Gareth Bale ('5 )
1-1 Roger Marti ('46 )
2-1 Jose Campana ('57 )
2-2 Vinicius Junior ('73 )
3-2 Pier Rober ('79 )
3-3 Vinicius Junior ('85 )
Rautt spjald: Aitor, Levante ('87)

Real Sociedad 1 - 0 Rayo Vallecano
1-0 Mikel Oyarzabal ('68 , víti)