Lyngby er þessa stundina að gera 1-1 jafntefli við Vejle í efstu deild danska boltans og er Gylfi Þór Sigurðsson kominn inn af varamannabekknum á 71. mínútu.
Gylfi Þór, sem er einn af betri leikmönnum í íslenskri fótboltasögu, er að spila sinn fyrsta keppnisleik í fótbolta síðan 23. maí 2021, skömmu áður en rannsókn hófst vegna ásakana um kynferðisbrot.
Af óútskýrðum ástæðum tók málaferlið gríðarlega langan tíma hjá breskum yfirvöldum en málið var að lokum látið falla niður. Gylfi ákvað að kæra ekki bresk yfirvöld fyrir framferði sitt og er búinn að skrifa undir samning við Íslendingalið Lyngby.
Hjá Lyngby leikur hann undir stjórn Freys Alexanderssonar en í dag var honum skipt inn fyrir Sævar Atla Magnússon, í leik þar sem Andri Lucas Guðjohnsen gerði mark heimamanna.
Så er der debut til Gylfi Sigurdsson @LyngbyBoldklub ?????????? #sldk pic.twitter.com/3owZIDDmKP
— Barbara Borre Lange ?????? (@babeborre) September 22, 2023
