Elísabet fékk líka heiðursverðlaun Aftonbladet fyrir sitt framlag til sænskrar kvennaknattspyrnu. RÚV segir frá þessu. Þetta er í fyrsta sinn sem þessi verðlaun eru veitt.

Elísabet hefur þjálfað Kristianstad frá 2009 en í ár náði liðið sínum besta árangri í sögunni. Kristianstad hafnaði í þriðja sæti og mun spila í Meistaradeildinni á næstu leiktíð.

Björn Sigurbjörnsson er aðstoðarþjálfari Kristianstad og meðal leikmanna liðsins eru Sif Atladóttir og Svava Rós Guðmundsdóttir.

Með því að smella hérna má sjá myndband sem gert var fyrir Elísabetu þar sem margir aðilar þakka henni fyrir hennar störf. Þar á meðal er markamaskínan Margrét Lára Viðarsdóttir.