Lengjudeildin: Fjölnir með öruggan sigur á Þrótti - Agaleg markmannsmistök

Fjölnir er komið á toppinn í Lengjudeildinni í bili að minnsta kosti eftir sigur á Þrótti í kvöld.

Staðan var markalaus í hálfleik en Fjölnismenn komust yfir snemma í síðari hálfleik og Axel Freyr Harðarson bætti öðru markinu við en það var ansi skrautlegt mark.

Þórhallur Ísak Guðmundsson markvörður Þróttar ætlaði að reyna leika á Axel en Fjölnismaðurinn náði boltanum og rúllaði honum í opið markið.

Máni Austmann bætti þriðja markinu við úr vítaspyrnu. Izaro Abella Sanchez klóraði í bakkann fyrir Þrótt en nær komust þeir ekki. Þróttur er aðeins með eitt stig.