Líklegt byrjunarlið Breiðabliks - Gísli í banni

Breiðablik þarf að vinna HK og treysta á að Víkingar misstígi sig gegn Leikni í lokaumferð Pepsi Max-deildarinnar á laugardaginn. Jafntefli dugar Blikum ef Víkingar tapa gegn Leikni.

Breiðablik mætir HK á Kópavogsvelli en þegar liðin áttust við í Kórnum fyrr á tímabilinu unnu Blikar 3-2 útisigur þar sem Kristinn Steindórsson, Thomas Mikkelsen (víti) og Andri Rafn Yeoman skoruðu mörkin.