Viðræður við Eze í forgangi

Palace ætlar að bjóða Eze nýjan risasamning í tilraun sinni til að halda honum innan sinna raða, en núverandi samningur leikmannsins rennur út sumarið 2025.

Félagið lítur á Eze sem framtíðarstjörnu hjá sér og sem arftaka fyrir Wilfried Zaha sem skipti yfir til Tyrklands á frjálsri sölu í sumar. Viðræðurnar við Eze eru því forgangsmál hjá félaginu í haust.

Eze er 25 ára kantmaður sem getur einnig spilað í holunni fyrir aftan fremsta sóknarmann. Hann lék 15 leiki fyrir U21 og U20 landslið Englands og á tvo leiki að baki fyrir A-landsliðið.

Eze hefur í heildina komið að 29 mörkum í 99 leikjum hjá Palace, en þar áður var hann mikilvægur hlekkur í liði QPR í Championship deildinni.