Aron Einar Gunnarsson lék allan leikinn er Al-Arabi tapaði fyrir toppliði Al-Duhail í katarska boltanum í dag.

Ali Almoez kom gestunum yfir snemma leiks en Hamdi Haraboui jafnaði úr vítaspyrnu á 19. mínútu.

Edmilson Junior kom Al-Duhail yfir á nýjan leik og var staðan 1-2 í leikhlé.

Ekkert var skorað næstu 40 mínúturnar og fékk Fahad Al-Abdulrahman rautt spjald á 80. mínútu.

Tíu leikmenn Al-Arabi leituðu að jöfnunarmarki og skildu vörnina eftir galopna, sem gerði Almoez kleift að tryggja sigurinn í uppbótartíma.

Mehdi Benatia og Mario Mandzukic, fyrrum leikmenn Juventus, eru báðir á mála hjá Al-Duhail, sem er með fimm stiga forystu á toppinum.

Al-Arabi er í fimmta sæti með 18 stig, sex stigum frá þriðja sætinu sem gefur þátttökurétt í asísku Meistaradeildina.