„Frammistaðan var nú bara ljómandi fín og karakter í þessu að vinna þetta og klára þetta, þangað til að við vorum einum fleiri þá fannst mér bara eitt lið á vellinum og hérna í fyrri hálfleik síðan náðu þeir að þrýsta okkur svolítið niður þarna síðustu 20 mínúturnar sem var algjör óþarfi en við kláruðum það og Óli varði frábærlega tvisvar, þrisvar og þetta er nú oft hættulegt," sagði Rúnar Páll, þjálfari Fylkis eftir 2-1 sigur gegn ÍBV í Mjólkurbikar karla.
Lestu um leikinn: Fylkir 2 - 1 ÍBV
„Við erum bara með mjög gott lið og okkur hefur gengið ágætlega í vetur með lið úr Bestu deildinni".
Lengjudeildarlið Fylkis vann góðan 2-1 sigur á ÍBV sem leikur í Bestu deildinni. Leikurinn var tvískiptur þar sem að heimamenn yfirspiluðu gestina frá Vestmannaeyjum í fyrri hálfleik. Vestmannaeyingar bitu þó frá sér og spiluðu betur í seinni hálfleik en það dugði ekki til. Rúnar Páll gat ekki verið annað en sáttur við frammistöðu síns liðs. Úrslitin þýða að Fylkismenn séu komnir í 16-liða úrslit Mjólkurbikars karla.
„Við fengum líka fín upphlaup og við hefðum geta komist í 3-1 og 4-1 þannig að við hefðum alveg geta skorað fleiri mörk á þá".
Viðtalið í heild sinni má sjá hér að ofan.