Heimir Guðjónsson, þjálfari Vals
Heimir Guðjónsson þjálfari Vals var eðlilega svekktur eftir 6-2 tap á Kópavogsvelli gegn Breiðablik fyrr í kvöld í 32-liða úrslitum Mjólkubikar karla.
„Mér fannst við í fyrri hálfleik helvítis klaufar að komast ekki inn með forustu. Við fáum mjög góða möguleika, skoruðum tvö mörk og fengum á okkur mark eftir mark hornspyrnu og í seinni hálfleik gengu Blikar á lagið. Ísak (Snær Þorvaldsson) kom inná og við lentum í vandræðum með hann."
„Mér fannst við í fyrri hálfleik helvítis klaufar að komast ekki inn með forustu. Við fáum mjög góða möguleika, skoruðum tvö mörk og fengum á okkur mark eftir mark hornspyrnu og í seinni hálfleik gengu Blikar á lagið. Ísak (Snær Þorvaldsson) kom inná og við lentum í vandræðum með hann."
Lestu um leikinn: Breiðablik 6 - 2 Valur
„Við fengum á okkur fjögur mörk úr föstum leikatriðum sem hlýtur að vera met. Eitt markið var þannig að ég held að við höfum tapað þremur eða fjórum einvígum og þeir unnu alla boltanna inn í teignum og menn verða náttúrulega að átta sig á því að föst leikatriði snúast um að dekka mennina sína."
Valsmenn eru dottnir úr bikar og eru átta stigum á eftir Breiðabliki sem situr á toppi Bestu deildarinnar og var Heimir spurður hvort menn væru farnir að hafa áhyggjur á Hlíðarenda.
„Nei við höfum ekki áhyggjur, mótið er nýbyrjað en við höfum áhyggjur af spilamennskunni, hún er ekki nógu góð. Við erum búnir að tapa þremur leikjum og við verðum að fara byrja á grunninum og reyna vinna okkur út úr þessum vandræðum."
