Breiðablik tekur þátt í umspili til að komast í 1. umferð forkeppninnar og mætir Tre Penne í fyrsta leik. Það er undanúrslitaleikur. Ef Breiðablik vinnur þann leik þá fá þeir úrslitaleik gegn annað hvort Atletic Club d'Escaldes frá Andorra eða Buducnost frá Svartfjallalandi. Sigurliðið í úrslitaleiknum fer svo áfram í forkeppnina.

Það er fjallað um það á vef BBC að Meistaradeildin sé að hefjast á Íslandi í dag. „Frá Íslandi til Wembley," er fyrirsögnin.

Aðalmynd fréttarinnar á forsíðunni er myndin sem fylgir þessari frétt en það er samsett mynd af Gísla Eyjólfssyni, lykilmanni Breiðabliks, og Rodri, miðjumanni ríkjandi Evrópumeistara Manchester City. Rodri skoraði sigurmarkið í úrslitaleik Meistaradeildarinnar á nýliðnu tímabili.

Leikur Breiðabliks og Tre Penne hefst klukkan 13:00 í kvöld.