Eiður Smári Guðjohnsen
„Bara virkilega sáttur við þrjú stig og nokkuð sáttur heilt yfir með okkar leik og sérstaklega fyrri hálfleik. Þá fannst mér við stjórna leiknum og stjórna hraðanum en Grótta er þannig lið að þeir taka sér mikin tíma í allar aðgerðir þannig að það var undir okkur komið að halda hraða og tempó í og mér fannst við sérstaklega miðað við síðasta leik ná að keyra hraðan upp þokkalega.“
Sagði Eiður Smári Guðjohnsen aðstoðarþjálfari FH um sín fyrstu viðbrögð eftir 2-1 sigur FH á Gróttu fyrr í kvöld.
Sagði Eiður Smári Guðjohnsen aðstoðarþjálfari FH um sín fyrstu viðbrögð eftir 2-1 sigur FH á Gróttu fyrr í kvöld.
Lestu um leikinn: FH 2 - 1 Grótta
Á köflum í síðari hálfleik náði Grótta að ógna marki FH verulega og uppskar jöfnunarmark eftir hornspyrnu eftir rúmlega klukkustundarleik. FH náði forystunni aftur aðeins um mínútu síðar en Grótta náði sínum upphlaupum og oftar en ekki eftir klaufamistök leikmanna FH, Fannst Eiði votta fyrir kæruleysi í leik FH?
„Nei ég vill nú ekki bendla það við kæruleysi en það er rétt yfirleitt þegar Grótta kom sér í góða stöðu þá var það vegna þess að við vorum að gefa boltann of auðveldlega frá okkur. Það hefur verið talað um það hér innan hópsins að við verðum að láta andstæðing hafa meira fyrir því að ná boltanum af okkur en sem betur fer kostaði það okkur ekkert í dag.“
Eggert Jónsson er gengin til liðs við FH eins og fram kom á dögnum og verður hann löglegur með liðinu þegar glugginn opnar þann 5.ágúst næstkomandi. Hyggja Eiður og Logi á frekari breytingar á leikmannahópnum þegar glugginn opnar?
„Það er ekkert sem liggur fyrir. Okkur fannst tækifærið að fá Eggert til okkar of stórt og of gott til að sleppa því og við erum fullir tilhlökkunar. Hann eykur breiddina og kemur með reynslu og mikið stál og sigurvilja.“
Sagði Eiður Smári en allt viðtalið má sjá hér að ofan.
Athugasemdir
