Diop, sem er fæddur árið 2000, kom til Kórdrengja fyrir tveimur árum og átti að hjálpa þeim á lokasprettinum í Lengjudeildinni, en spilaði ekki leik fyrir félagið.

Hann fékk félagaskipti til Færeyja fyrir tæpum þremur vikum en er nú mættur í Kára. Það verður fróðlegt að sjá hvernig hann mun plumma sig þar.

Þrír leikmenn koma frá ÍA, þar af tveir á láni. Marteinn Theodórsson og Gabríel Þór Þórðarson eru á láni en Marteinn á 20 leiki í næst efstu deild með Víkingi Ó. og þá á hann þrjá leiki fyrir ÍA í efstu deild.

Gabríel spilaði með Kára á láni frá ÍA á síðasta tímabili og spilaði þá 20 leiki og gerði eitt mark.

Kristófer Áki Hlinason, sem er fæddur árið 2004, kemur einnig til Kára, en hann skiptir alfarið yfir í félagið eftir að hafa spilað fyrir yngri flokka ÍA.

Þá snýr Fjalar Örn Sigurðsson aftur til félagsins. Hann er uppalinn í ÍA og spilaði fimm leiki í efstu deild með liðinu árið 2012. Hann lék síðast með Njarðvík fyrir fimm árum en mætir aftur á völlinn í átökin fyrir síðari hluta mótsins.

Kári er í 9. sæti 3. deildar með 17 stig.