„Mér fannst jafnræði í fyrri hálfleik og við allt í lagi. Samt vorum við að tapa boltanum á slæmum stöðum. Seinni hálfleikur var hrein skelfing," sagði Heimir Guðjónsson eftir 3-1 tap gegn Stjörnunni í úrslitaleik Fótbolta.net mótsins.
„Þeir gengu á lagið og voru miklu betri en við. Þegar þú spilar á móti Stjörnunni og ætlar að falla frá Garðari, Veigari og Halldóri Orra þá ertu að bjóða hættunni heim. Við gerðum það og þess vegna töpuðum við þessum leik."
„Við erum að fara út á mánudaginn þar sem við spilum erfiða leiki. Ég get ekki ímyndað mér að þessi framganga hjálpi okkur í því. Ef þú átt möguleika á því að vinna eitthvað, af hverju reynirðu ekki að klára það? Það er ár og dagur síðan ég hef séð FH spila leik þar sem þeim er jafn mikið sama um hvort þeir vinna eða tapa."
„Ef að menn halda að þeir geti gengið um í FH-búningnum og ekki haft áhuga á að vinna leiki þá er eitthvað mikið sem við þurfum að laga. Miðað við þennan leik þá þurfum við að hafsent, bakvörð, miðjumann, vængmann og senter. Það verður bara að koma í ljós hvað við gerum."
Nýr Bandaríkjamaður hefur spilað með FH, miðvörðurinn Sean Reynolds, og er Heimir ánægður með hann.
„Hann hefur staðið sig mjög vel. Hann var góður gegn Breiðabliki á laugardag en var ekki alveg eins öflugur í dag. En það tekur hann tíma að aðlagast þessu og ég á von á því að hann muni styrkjast þegar líða fer á."
Viðtalið má sjá í sjónvarpinu hér að ofan.
Athugasemdir
