Víkingur Ólafsvík var að bæta við sig leikmanni fyrir komandi átök Inkasso-deildarinnar í sumar. Hann heitir Kristófer Jacobson Reyes og er uppalinn á Ólafsvík.
Kristófer er fæddur 1997 og var fastamaður í byrjunarliði Fram síðasta sumar. í heildina á hann 38 keppnisleiki að baki fyrir Fram og 7 fyrir Víking Ó.
Kristófer spilar sem varnarmaður og á ættir að rekja til Filippseyja. Hann hefur æft með landsliði Filippseyja og var á mála hjá taílenska úrvalsdeildarfélaginu Ratchaburi Mitr Phol í vetur.
Ljóst er að Kristófer er góður liðsstyrkur fyrir sumarið er Víkingar reyna að komast aftur upp í deild þeirra bestu.
Athugasemdir
