Jón Dagur Þorsteinsson skoraði úr víti á 120. mínútu í framlengingu og hjálpaði þeim svo að vinna vítakeppnina
Jón Dagur Þorsteinsson og hans menn í AGF munu spila í forkeppni Sambandsdeildar UEFA fyrir næsta tímabil eftir að liðið vann Álaborg eftir vítakeppni í dönsku úrvalsdeildinni í kvöld.
Íslenski landsliðsmaðurinn byrjaði inná hjá AGF í þessum hreina úrslitaleik um sæti í Sambandsdeildinni en það er þriðja félagsliðakeppnin á vegum UEFA.
AGF komst yfir með marki frá Bror Blume á 20. mínútu áður en Álaborg jafnaði úr vítaspyrnu. Staðan var 1-1 eftir venjulegan leiktíma og þurfti því að fara með leikinn í framlengingu.
Álaborg komst yfir á 109. mínútu og var útlit fyrir að liðið væri á leið í Evrópukeppni í sumar en Jón Dagur hélt þó ekki. AGF fékk vítaspyrnu undir lok framlengingar eftir að leikmaður Álaborgar handlék knöttinn. VAR-skjárinn var skoðaður og vítaspyrna dæmd en Jón Dagur fór á punktinn og skoraði af miklu öryggi.
Því þurfti vítakeppni til að skera úr um hvaða lið myndi spila í Evrópu og þar hafði AGF betur, 3-1.
Jón Dagur skoraði líka í vítaspyrnukeppninni og hjálpaði AGF að komast inn í Sambandsdeild UEFA.
Athugasemdir
