Hrannar Snær Magnússon var besti leikmaður Aftureldingar á tímabilinu, skoraði tólf mörk á sínu fyrsta tímabili í efstu deild.
Kristján Óli Sigurðsson sagði frá því á X í dag að Hrannar gæti farið frítt frá Aftureldingu eftir að liðið myndi falla en fallið var staðfest í gær. Samkvæmt heimildum Fótbolta.net er það rétt.
Ef Afturelding hefði haldið sér uppi hefði Hrannar getað farið frítt erlendis en við fallið virkjaðist ákvæði í samningnum sem gerir honum kleypt að fara frítt í önnur íslensk félög - ef hann vill.
Kristján Óli Sigurðsson sagði frá því á X í dag að Hrannar gæti farið frítt frá Aftureldingu eftir að liðið myndi falla en fallið var staðfest í gær. Samkvæmt heimildum Fótbolta.net er það rétt.
Ef Afturelding hefði haldið sér uppi hefði Hrannar getað farið frítt erlendis en við fallið virkjaðist ákvæði í samningnum sem gerir honum kleypt að fara frítt í önnur íslensk félög - ef hann vill.
Það er ljóst að mörg félög munu reyna að fá Hrannar í sínar raðir í vetur. Búið var að fjalla um áhuga KA, Vals og FH og í slúðurpakkanum var hann orðaður við Fram.
Það verður að teljast lílegt að öll hin félögin í Bestu deildinni muni skoða að fá kantmanninn í sínar raðir.
Ólafsfirðingurinn, sem er fæddur árið 2001, gekk í raðir Aftureldingar fyrir tímabilið 2024 eftir að hafa verið hluti af liði Selfoss sem féll úr Lengjudeildinni. Hann kom sem bakvörður en hjá Aftureldingu fann hann sig frábærlega á vinstri kantinum og átti frábært tímabil í ár.
Hrannar Snær má fara frítt frá UMFA efrir að þeir féllu. #HeimavinnaHöfðingjans pic.twitter.com/q6qGyZTz2O
— Kristján Óli Sigurðsson (@kristjanoli) October 26, 2025
Athugasemdir
