Emil Ásmundsson
Árni Freyr Guðnason, þjálfari Fylkis
Emil Ásmundsson, leikmaður Fylkis, segir að starf Árna Freys Guðnasonar hafi aldrei verið hættu þrátt fyrir slaka byrjun á tímabilinu.
Lestu um leikinn: Völsungur 1 - 4 Fylkir
Fylkismenn áttu flott undirbúningstímabil undir Árna sem kom frá ÍR eftir síðustu leiktíð.
Árbæingar náðu ekki alveg að færa árangurinn yfir í byrjun tímabilsins og vann liðið aðeins einn leik í fyrstu níu umferðum deildarinnar áður en það náði í langþráðan 4-1 sigur á Völsungi í gær.
Sæti Árna hefur verið heitt og sagðist hann vonast til að fá tíma til þess að snúa gengi liðsins við. Emil, sem er einn af reyndustu leikmönnum Fylkis, segir starf Árna hins vegar aldrei hafa verið í hættu, enda sýnir tölfræðin að Fylkismenn hafa verið að spila vel.
„Starfið var aldrei í hættu. Við stöndum allir, hver og einn einasti leikmaður, á bak við hann. Hann er búinn að breyta þessu liði mjög mikið finnst mér og það tekur tíma þegar þú kemur með nýjar áherslur að ná stöðugleika og auðvitað var þetta lengri kafli en við höfðum vonast og bjuggumst við af því það gekk vel á undirbúningstímabilinu en auðvitað viljum við gera þetta fyrir hann því hann er búinn kenna og sýna okkur hvernig við viljum spila og það er mjög skemmtilegt að spila þennan fótbolta og spila fyrir hann Árna.
„Starfið er aldrei í hættu því öll tölfræði sýnir að við höfum verið að spila vel en það eru þessi 1-2 prósent sem hafa ekki verið að detta með okkur,“ sagði Emil við Fótbolta.net í gær.
Fylkismenn komu sér upp í 9. sæti Lengjudeildarinnar með sigrinum á Völsungi og mæta næst toppliði ÍR á tekk-vellinum í Árbæ 4. júlí.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 10 | 6 | 4 | 0 | 18 - 5 | +13 | 22 |
| 2. Njarðvík | 10 | 5 | 5 | 0 | 24 - 10 | +14 | 20 |
| 3. HK | 10 | 5 | 3 | 2 | 19 - 11 | +8 | 18 |
| 4. Þór | 10 | 5 | 2 | 3 | 25 - 17 | +8 | 17 |
| 5. Þróttur R. | 10 | 4 | 3 | 3 | 18 - 17 | +1 | 15 |
| 6. Völsungur | 10 | 4 | 1 | 5 | 16 - 23 | -7 | 13 |
| 7. Keflavík | 9 | 3 | 3 | 3 | 16 - 12 | +4 | 12 |
| 8. Grindavík | 9 | 3 | 2 | 4 | 23 - 25 | -2 | 11 |
| 9. Fylkir | 10 | 2 | 4 | 4 | 14 - 15 | -1 | 10 |
| 10. Leiknir R. | 10 | 2 | 3 | 5 | 12 - 24 | -12 | 9 |
| 11. Selfoss | 10 | 2 | 1 | 7 | 8 - 21 | -13 | 7 |
| 12. Fjölnir | 10 | 1 | 3 | 6 | 11 - 24 | -13 | 6 |
Athugasemdir
