Benedikt Daríus innsiglaði sigur Fylkis
HK 0 - 2 Fylkir
0-1 Pablo Aguilera Simon ('86 , víti)
0-2 Benedikt Daríus Garðarsson ('89 )
Rautt spjald: Aron Kristófer Lárusson, HK ('85)
Lestu um leikinn
0-1 Pablo Aguilera Simon ('86 , víti)
0-2 Benedikt Daríus Garðarsson ('89 )
Rautt spjald: Aron Kristófer Lárusson, HK ('85)
Lestu um leikinn
Fylkir vann frábæran sigur á HK í Kórnum í kvöld. HK var nálægt því að komast yfir þegar fyrri hálfleikur var um það bil hálfnaður. Ívar Örn Jónsson átti fyrirgjöf og Bart Kooistra átti skalla en boltinn rétt framhjá.
Stuttu síðar fékk Koistra annað tækifæri en skotið framhjá. Eftir rúmlega klukkutíma leik skaut Arnór Breki Ásþórsson á markið úr aukaspyrnu en Ólafur Örn Ásgeirsson í marki HK varði vel frá honum.
Það dró heldur betur til tíðinda undir lok leiksins. Þegar fimm mínútur voru til loka venjulegs leiktíma fékk Fylkir vítaspyrnu en Aron Kristófer Lárusson fékk að líta rauða spjaldið fyrir brot á Guðmundi Tyrfingssyni.
Pablo Aguilera Simon steig á punktinn og skoraði örugglega. Stuttu síðar innsiglaði Benedikt Daríus Garðarsson sigur Fylkis eftir vel útfærða skyndisókn.
Fylkir hefur unnið þrjá leiki í röð og stekkur úr 9. sæti upp í 7. sæti með 20 stig. Völsungur og Grindavík eru stigi á eftir en liðin mætast á morgun á Húsavík. Fylkir er fjórum stigum frá fallsæti. HK er áfram í 5. sæti með 34 stig, þremur stigum á undan Keflavík í baráttunni um umspilssæti.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þróttur R. | 20 | 12 | 5 | 3 | 40 - 30 | +10 | 41 |
| 2. Njarðvík | 20 | 11 | 7 | 2 | 46 - 23 | +23 | 40 |
| 3. Þór | 19 | 12 | 3 | 4 | 45 - 26 | +19 | 39 |
| 4. ÍR | 20 | 10 | 7 | 3 | 36 - 22 | +14 | 37 |
| 5. HK | 20 | 10 | 4 | 6 | 37 - 27 | +10 | 34 |
| 6. Keflavík | 20 | 9 | 4 | 7 | 47 - 37 | +10 | 31 |
| 7. Fylkir | 20 | 5 | 5 | 10 | 31 - 29 | +2 | 20 |
| 8. Völsungur | 19 | 5 | 4 | 10 | 32 - 47 | -15 | 19 |
| 9. Grindavík | 19 | 5 | 3 | 11 | 35 - 55 | -20 | 18 |
| 10. Leiknir R. | 20 | 4 | 5 | 11 | 20 - 39 | -19 | 17 |
| 11. Selfoss | 19 | 5 | 1 | 13 | 21 - 36 | -15 | 16 |
| 12. Fjölnir | 20 | 3 | 6 | 11 | 30 - 49 | -19 | 15 |
Athugasemdir
