Lestu um leikinn: Fram 4 -  1 Valur

Hann ólst upp hjá Almere City í Hollandi en var einnig hjá unglingaliðum PSV Eindhoven, Utrecht og Sassuolo. Hann fór árið 2022 til Pacific FC í Kanada og hefur að undanförnu verið hjá Leixoes í Portúgal. Hann lék á sínum tíma með U17 og U18 landsliðum Hollands.

Framarar hafa verið í leit að sóknarmanni þar sem ljóst var að Viktor Bjarki Daðason færi til FCK í sumar, Már Ægisson er á leið til Bandaríkjanna í nám og Jannik Pohl hefur mikið verið meiddur.

„Við erum með einn leikmann hjá okkur sem við vonumst að verði löglegur sem fyrst. Það kemur í ljós á næstu dögum. Við erum að reyna græja alla pappírsvinnu og koma því í gegn," sagði Rúnar Kristinsson, þjálfari Fram, eftir sigur gegn Val í gær.

Er þetta byrjunarliðsmaður?

„Já já, við reynum alltaf að styrkja hópinn, sérstaklega þegar þeir koma erlendis frá, þá vill maður að það sé leikmaður sem getur gengið beint inn í liðið. Íslenski markaðurinn er erfiður, yfirleitt þarftu að kaupa þá og þeir kosta mikla peninga. Við erum kannski ekki í þeirri stöðu núna að geta það. Við vonum að við séum að fá góðan leikmann inn. Við getum horft á fullt af vídeóum, og verið sáttir við það sem við sjáum, en við þurfum líka að sjá karakterinn og týpuna," sagði Rúnar.