Vestri tapaði 0-5 fyrir ÍBV á Kerecisvellinum í gærdag. Eftir að liðið vann úrslitaleik Mjólkurbikarsins gegn Val í ágúst hefur Vestri ekki unnið leik og aðeins uppskorið eitt stig.
Fyrir úrslitaleik Mjólkurbikarsins sat liðið í 5. sæti deildarinnar með 26 stig og í baráttu um að vera í efri hluta tvískiptingarinnar.
Þá hafði Vestri fengið á sig nítján mörk í átján leikjum, fæst allra í deildinni og liðið hafði ekki fengið á sig meira en tvö mörk í einum og sama leiknum.
Í þeim fimm leikjum sem Vestri hefur spilað eftir úrslitaleikinn hefur liðið fengið á sig átján mörk, mest allra í deildinni, og skorað þrjú, lægst allra í deildinni.
Liðið er nú í 10. sæti, aðeins tveimur stigum frá fallsæti. Vestri á eftir að mæta bæði Aftureldingu og KR, liðunum tveimur fyrir neðan þá.
Leikir Vestra frá sigrinum í Mjólkurbikarnum:
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KA | 26 | 10 | 6 | 10 | 41 - 46 | -5 | 36 |
| 2. ÍBV | 26 | 9 | 6 | 11 | 31 - 33 | -2 | 33 |
| 3. ÍA | 26 | 10 | 1 | 15 | 36 - 50 | -14 | 31 |
| 4. Vestri | 26 | 8 | 5 | 13 | 25 - 39 | -14 | 29 |
| 5. KR | 26 | 7 | 7 | 12 | 50 - 61 | -11 | 28 |
| 6. Afturelding | 26 | 6 | 9 | 11 | 36 - 45 | -9 | 27 |
