Andri við varamannabekkinn.
Andri Ólafsson fyrirliði ÍBV segir spennu innan leikmannahópsins og menn séu klárir í slaginn fyrir fyrsta leik Pepsi-deildarinnar. Eyjamenn heimsækja Fjölni í Grafarvoginn klukkan 17:00 á sunnudag.
ÍBV er spáð tíunda sæti í Pepsi-deildinni í sumar.
ÍBV er spáð tíunda sæti í Pepsi-deildinni í sumar.
„Þetta eru fjögur lið sem menn eru að spá neðst. Það virðist vera að menn haldi að deildin verði þrískipt. Við teljum okkur vera betri en það og förum ekki inn í mótið með það í huga að ætla að vera þarna. Okkar markmið er hærra," segir Andri.
Hann segir undirbúningstímabilið hafa gengið vel.
„Þetta er í fyrsta sinn sem við erum allir í Vestmannaeyjum yfir allan veturinn fyrir utan kannski einn til tvo leikmenn. Þetta er mjög gott og við erum nokkuð bjartsýnir."
„Við gerum okkur grein fyrir því að við erum ekki með sterkasta hópinn í deildinni en treystum á að þetta smelli saman hjá okkur og við förum þetta á liðsheildinni og stemningunni. Gæðin eru vissulega til staðar en vissulega má lítið út af bregða ef ekki á illa að fara."
Andri spáir KR sigri á mótinu en viðtalið má sjá í heild í spilaranum hér að ofan.
Athugasemdir
