Jónatan Ingi Jónsson leikmaður Vals var ánægður með úrslit kvöldsins eftir að liðið hans sigraði Stjörnuna 5-1 á Hlíðarenda.
Lestu um leikinn: Valur 5 - 1 Stjarnan
„Það er bara geggjað, sérstaklega kannski í ljósi fyrri leiksins sem við vorum ennþá pirraðir yfir þar sem við fáum rautt spjald og töpuðum á útivelli. Svo í síðasta leik gerum við jafntefli sem við vorum ekki sáttir með þannig að bara mjög gott að svara því í dag með 5-1 sigri. Bara mjög sterkt."
Jónatan er núna búinn að skora í fjórum leikjum í röð og sjálfstraustið virðist vera í botni.
„Ég myndi segja það, það er bara gott að skora og gott að vinna. Þá gleymist allt hitt."
Jónatan spilaði á miðjunni í dag en hann er að upplagi kantmaður. Hann segist líka ágætlega við þessa stöðubreytingu.
„Við erum náttúrulega með tvo bestu miðjumenn landsins sem eru ekki í liðinu í dag. Þá get ég leyst þetta, ég get leyst kantinn og vinstri bakvörð. Bara þar sem hann setur mig reyni ég að leysa með bestu getu og það hefur gengið vel í sumar."
Í fjarveru Arons Jóhannssonar og Gylfa Sig, spilaði Jónatan með Kristni Frey inn á miðjunni.
„Hann (Kristinn) er náttúrulega bara geggjaður leikmaður, einn sá besti og þvílík reynsla. Gott fyrir mig að læra af svona gæjum. Það er bara mjög gott og ég vona bara að ég fái að halda því áfram."
Að lokum var hann spurður að markmiðum fyrir sumarið og svarið var einfalt.
„Vinna deildina"
Viðtalið má sjá í heild sinni í spilaranum hér fyrir ofan.
