Edda Garðarsdóttir
„Þetta var mjög kaflaskiptur leikur hjá okkur og stressið umturnaði okkar leik í fyrri hálfleik. Skagamenn skora snemma og síðan fáum við á okkur pínu klaufalegt mark, en síðan var seinni hálfleikurinn allt annar hjá okkur," sagði Edda Garðarsdóttir, þjálfari KR, eftir 3-2 sigur á ÍA í Pepsi-deild kvenna í dag.
Þessi sigur hélt KR-ingum upp í Pepsi-deildinni, en það var endurkoma í seinni hálfleik sem skilaði þessum sigri. Staðan var 2-0 fyrir ÍA í leikhlé, en Edda segir að það hafi verið allt undir í seinni hálfleiknum.
Þessi sigur hélt KR-ingum upp í Pepsi-deildinni, en það var endurkoma í seinni hálfleik sem skilaði þessum sigri. Staðan var 2-0 fyrir ÍA í leikhlé, en Edda segir að það hafi verið allt undir í seinni hálfleiknum.
Lestu um leikinn: ÍA 2 - 3 KR
„Þetta er bara svona 2-0 undir í hálfleik og allt undir, maður hefur svosem lent í þessu áður á ferlinum og það er bara að leggja línurnar, skerpa á áherslunum og fá þær til þess að finna lausnirnar sjálfar."
Aðspurð að því hvort hún muni halda áfram með KR-liðið á næsta leiktímabili segist hún ekki vita það á þessu augnabliki.
„Ég bara veit það ekki, ég á eftir að hitta KR, við spjöllum saman í vikunni. Mér finnst mjög gaman að þjálfa og það gefur mér mjög mikið. Við sjáum bara til."
Viðtalið má sjá í heild sinni í spilaranum hér að ofan.
