,,Ég er gríðarlega ánægður. Þetta eru þrír öflugir leikmenn sem skrifuðu undir í dag," sagði Ásmundur Arnarsson þjálfari Fylkis við Fótbolta.net í dag.
Jóhannes Karl Guðjónsson og Ingimundur Níels Óskarsson gengu í dag í raðir félagsins auk þess sem Tómas Joð Þorsteinsson skrifaði undir nýjan samning.
Jóhannes Karl Guðjónsson og Ingimundur Níels Óskarsson gengu í dag í raðir félagsins auk þess sem Tómas Joð Þorsteinsson skrifaði undir nýjan samning.
Ingimundur Níels er kominn aftur í Fylki eftir dvöl hjá FH en nokkur félög sýndu honum áhuga.
,,Það vilja allir koma í Árbæinn, það er bara þannig," sagði Ásmundur léttur. ,,Við þekkjum vel til hans og vitum að hverju við göngum. Við gerum miklar væntingar, engin spurning," sagði Ásmundur en Fylkismenn eru stórhuga fyrir næsta tímbil.
,,Við vorum nálægt því að taka Evrópusætið eftirsótta og það er ekki hægt að horfa á annað en að taka það á næsta ári."
Fylkismenn eru ekki hættir á leikmannamarkaðinum en þeir vilja fá Ásgeir Börk Ásgeirsson aftur frá GAIS.
,,Við höfum verið í viðræðum við Ásgeir Börk að fá hann heim. Ég trui ekki öðru en að hann komi heim. Við viljum klára það og síðan sjáum við til hvað þarf að gera," sagði Ásmundur.
Hér að ofan má sjá viðtalið í heild sinni.
Athugasemdir
