Spáin:
1. ?
2. ?
3. ?
4. ?
5. ?
6. Valur 73 stig
7. Breiðablik 59 stig
8. ÍBV 54 stig
9. Keflavík 35 stig
10. Grindavík 31 stig
11. Fylkir 30 stig
12. Selfoss 16 stig

Um liðið: Valsmenn unnu Reykjavíkurmótið og Lengjubikarinn í fyrra og eftir gott gengi framan af sumri fjaraði undir gengi liðsins og lokaniðurstaðan varð fimmta sæti í Pepsi-deildinni.  Líkt og oft áður eru milkar breytingar á Hlíðarenda en Valsmenn hafa fengið sjö nýja leikmenn í vetur og misst níu leikmenn.


Hvað segir Heimir? Heimir Hallgrímsson aðstoðarlandsliðsþjálfari er sérstakur álitsgjafi Fótbolta.net um liðin í Pepsi-deild karla. Heimir hefur náð mjög góðum árangri með lið ÍBV undanfarin ár.  Síðastliðið haust var Heimir ráðin aðstoðarþjálfari íslenska landsliðsins eftir að Lars Lagerback var ráðinn þjálfari. Hér að neðan má sjá álit Heimis.

Líkt og undanfarin ár eru miklar breytingar á leikmannahópi Vals. Hingað til hafa miklar mannabreytingar ekki verið ávísun á góðan árangur. Það er því verðugt verkefni fyrir Þjálfarana Kristján og Frey að búa til sterka liðsheild úr nokkuð fjölmennum leikmannahópi Vals.

Styrkleikar: Miðjan hjá Val er ógnar sterk. Haukur Páll Sigurðsson, Guðjón Pétur Lýðsson og Rúnar Már Sigurjónsson skipa eitt sterkasta miðjutríó landsins. Allir hafa þeir afburða hæfileika en á ólíkum sviðum. Valur skoraði aukin heldur mikið af mörkum í Lengjubikarnum og fengu mörkin úr mörgum áttum en í fyrra var markaskorun vandamál hjá Val.  

Veikleikar: Margir nýjir leikmenn gætu orsakað ósamstilltan hóp. Einnig eru margir leikmenn svipaðir af getu. Að mínu mati vantar fleiri afgerandi leikmenn svo Valur geti blandað sér í titilbaráttu. Vörnin og sér í lagi markvarslan gæti orðið veikleiki hjá Val í sumar. Sindri Snær og Ásgeir Þór eru ólíkir markmenn og báðir hafa sína kosti en líka galla. Varnarlínan hefur líka breyst. Frændur okkar frá Færeyjum léku þar stórt hlutverk í fyrra og nokkuð margir leikmenn hafa spilað í bakvarðarstöðunum í vetur. Miðverðina skortir hraða.

Þjálfarinn: Kristján Guðmundsson
Kristján Guðmundsson hefur sýnt það í gegnum tíðina hversu öflugur þjálfari hann er. Hann náði frábærum árangri með Keflvíkinga gerði í framhaldinu góða hluti í Færeyjum. Frá því haustið 2010 hefur hann stýrt liði Vals og náð athyglisverðum árangri þrátt fyrir oft á tíðum óaðlaðandi vinnuaðstæður.
Aðstoðarþjálfarinn er Freyr Alexandersson. Einn af efnilegustu og metnaðarfyllstu þjálfurum landsins og klárt að hann mun taka að sér stærri verkefni áður en langt um líður. 
Þjálfararnir eiga erfitt verkefni fyrir höndum í sumar. Að búa til lið og samstilltan hóp úr leikmönnum sem koma hver úr sinni áttinni og fáir þeirra með innbyggt Vals hjarta. Ef það tekst getur Valur blandað sér baráttuna um titilinn.

Lykilmenn: Miðjumennirnir Haukur Páll Sigurðsson, Guðjón Pétur Lýðsson og Rúnar Már verða í lykilhlutverkum hjá Val í sumar.

Gaman að fylgjast með: Það verður gaman að fylgjast með nokkrum leikmönnum hjá Val. Nýju leikmennirnir Brynjar Kristmunds, Kristinn Freyr, Ásgeir Þór og Hafsteinn Briem geta allir sprungið út. Ég er hins vegar spenntastur að sjá hvernig Atli Heimisson mun spila í sumar eftir nokkra dvöl í neðri deildum í Noregi.

---

Líklegt byrjunarlið í upphafi móts:


Stuðningsmaðurinn segir:
Breki Logason fréttamaður: ,, „Ef spá .net rætist verða það vissulega vonbrigði. Valsmenn gera meiri kröfur en að enda um miðja deild og satt best að segja hefur verið fínn taktur í þessu í vetur. Meðalaldur liðsins er að ég held 23 ár og lækkaði mjög við brotthvarf okkar besta vinar. Ef að við höfum fundið markaskorara í Atla Heimissyni og Guðjón Pétur Lýðsson spilar jafn vel og síðasta sumar verðum við ofar. Ég vil biðja alla áhugamenn um knattspyrnu að fylgjast sérstaklega með Rúnari Má Sigurjónssyni sem á eftir að slá í gegn. Hann ásamt Hauki Páli verða flottir á miðjunni og í hópnum er fullt af ungum gröðum strákum. Breytingarnar á liðinu frá síðasta tímabili eru meiri en menn ætluðu sér, en hryggjarstykki síðasta árs eru þarna enn. Það verður gaman að fylgjast með Ásgeiri í markinu og ég vil minna Hörð Sveinsson á að hann skuldar okkur svona 15 mörk, við viljum sjá þau koma í sumar vinur. Það má kannski líka nefna það að mikill hugur er í okkur sem stöndum fyrir utan liðið, það verður partý í Fjósinu langt fram á haust. Áfram Valur."

Völlurinn:
Valur leikur heimaleiki sína á Vodafone vellinum á Hlíðarenda þar sem glæsilegur völlur opnaði fyrir nokkrum árum. Hann tekur 1201 áhorfendur í sæti auk þess sem stæði eru undir þaki stúkunnar fyrir 40 manns. Gengt stúkunni eru stæði fyrir aftan auglýsingaskilti fyrir 980 manns. 

---

Breytingar á liðinu:

---

Leikmenn Vals sumarið 2012:

1. Ásgeir Þór Magnússon
2. Úlfar Hrafn Pálsson
3. Brynjar Kristmundsson
4. Halldór Kristinn Halldórsson
5. Atli Sveinn Þórarinsson
6. Hafsteinn Briem
7. Haukur Páll Sigurðsson 
8. Rúnar Már Sigurjónsson
9. Hörður Sveinsson
10. Rúnar Már Sigurjónsson
11. Matthías Guðmundsson
12. Sindri Snær Jensson
14. Kolbeinn Kárason
15. Hilmar Rafn Emilsson
16. Atli Heimisson
17. Þórir Guðjónsson
18. Kristinn Freyr Sigurðsson
19. Ásgeir Þór Ingólfsson
20. Indriði Áki Þorláksson
22. Matarr Jobe
23. Andri Fannar Stefánsson
27. Andri Sigurðsson
28. Haukur Ásberg Hilmarsson
29. Tómas Aron Tómasson
30. Guðni Rúnar Ólafsson

---

Leikir Vals 2012:
7. maí Fram - Valur
10. maí Valur - Selfoss
14. maí Breiðablik - Valur
20. maí Valur - KR
24. maí Fylkir - Valur
31. maí Valur - Keflavík
16. júní Stjarnan - Valur
20. júní Valur - ÍA
29. júní ÍBV - Valur
5. júlí Grindavík - Valur
15. júlí Valur - FH
23. júlí Valur - Fram
29. júlí Selfoss - Valur
8. ágúst Valur - Breiðablik
12. ágúst KR - Valur
20. ágúst Valur - Fylkir
27. ágúst Keflavík - Valur
2. september Valur - Stjarnan
16. september ÍA - Valur
20. september Valur - ÍBV
23. september Valur - Grindavík
29. september FH - Valur