Mexíkó hefur opinberað 23 manna hóp fyrir vináttulandsleikinn gegn Íslandi sem verður í Las Vegas í Bandaríkjunum í næstu viku. Leikurinn verður 2:30 að íslenskum tíma aðfaranótt fimmtudags.
Varnarmaðurinn reynslumikli Rafael Marquez, fyrrum leikmaður Barcelona, er í hópnum. Hann verður 38 ára síðar í þessum mánuði og hefur leikið 134 landsleiki fyrir Mexíkó.
Marquez komst í fréttirnar á dögunum fyrir skemmtilegt skot á forseta Bandaríkjanna, Donald Trump.
Þá er sóknarmaðurinn Giovani dos Santos í hópnum. Hann er nú hjá LA Galaxy í Bandaríkjunum en hefur meðal annars spilað fyrir Barcelona, Tottenham og Villarreal. Hann á eitt mark á HM á ferilskránni en það kom gegn Kosta Ríka 2010.
Mexíkó notar leikinn sem undirbúning fyrir CONCACAF undankeppnina fyrir HM í Rússlandi 2018. Liðið er í öðru sæti í sex liða riðli, tveimur stigum á eftir Kosta Ríka.
Markverðir: Jesus Corona (Cruz Azul), Hugo Gonzalez (Monterrey), Alfredo Talavera (Toluca)
Varnarmenn: Oswaldo Alanis (Guadalajara), Nestor Araujo (Santos), Hugo Ayala (Tigres), Jesus Gallardo (Pumas), Raul Lopez (Pachuca), Rafael Marquez (Atlas), Luis Reyes (Atlas), Jorge Torres Nilo (Tigres)
Miðjumenn: Edson Alvarez (Club America), Jurgen Damm (Tigres), Jesus Dueñas (Tigres), Erick Gutierrez (Pachuca), Jesus Molina (Monterrey), Orbelín Pineda (Guadalajara)
Sóknarmenn: Giovani dos Santos (LA Galaxy/USA), Elias Hernandez (Leon), Hirving Lozano (Pachuca), Luis Montes (Leon), Alan Pulido (Guadalajara), Angel Zaldivar (Guadalajara),
Sjá einnig:
Landsliðshópur Íslands fyrir leikinn
Athugasemdir
